- °C
- °C
ஐசிசி ODI பந்துவீச்சாளர்களுக்கான தரவரிசை பட்டியலில் ஆப்கானிஸ்தான் வீரர் ரஷித் கானை பின்னுக்கு தள்ளி இலங்கை அணி வீரர் மகீஷ் தீக்சனா(680 புள்ளிகள்) முதலிடத்தைப் பிடித்துள்ளார். சாம்பியன்ஸ் டிராபியில் இலங்கை இடம்பெறாது என்றாலும், கடந்த சில நாட்களுக்கு முன்பு கொழும்பில் நடந்த ஆஸ்திரேலிய உடனான 2 போட்டிகள் கொண்ட ஒருநாள் தொடரில் தொடக்க ஆட்டத்தில் சிறப்பாக நான்கு விக்கெட்டுகள் வீழ்த்தியதன் மூலம் தீக்சனா முதலிடத்தைப் பிடித்தார்.
அதே நேரத்தில் இந்தியாவின் குல்தீப் யாதவ் (ஒரு இடம் முன்னேறி நான்காவது இடத்தைப் பிடித்துள்ளார்), தென்னாப்பிரிக்காவின் கேசவ் மகாராஜ் (ஆறாவது இடத்தில் மீண்டும் இடம்பிடித்துள்ளார்) மற்றும் நியூசிலாந்தின் மிட்செல் சாண்ட்னர் (நான்கு இடங்கள் முன்னேறி ஏழாவது இடத்தைப் பிடித்துள்ளார்) ஆகிய மூன்று சுழற்பந்து வீச்சாளர்களும் இந்த வாரம் முதல் 10 இடங்களுக்குள் உள்ளனர்.
இந்தியா, பாகிஸ்தான் உள்பட 8 அணிகள் மோதும் சாம்பியன்ஸ் டிராபி தொடர் பாகிஸ்தானில் நேற்று(பிப். 19) தொடங்கியது. இந்தியாவுக்கான போட்டி இன்று துபையில் நடைபெறவுள்ளது. இந்தத் தொடருக்கு முன்னதாக, இந்தியா- இங்கிலாந்து தொடர், நியூசிலாந்து-பாகிஸ்தான் தென்னாப்பிரிக்கா முத்தரப்பு தொடர், இலங்கை – ஆஸ்திரேலியா தொடர் ஆகியவை நடைபெற்று முடிந்துள்ளன.
இதற்கான ஒருநாள் தரவரிசைப் பட்டியல் வெளியிடப்பட்டுள்ளது. பேட்டிங் தரவரிசையில் இந்திய வீரர் ஷுப்மன் கில் முதலிடத்தைப் பிடித்துள்ளார். ரோஹித் ஷர்மா 761 புள்ளிகள், விராட் கோலி – 721 புள்ளிகள், ஸ்ரேயாஸ் ஐயர் – 679 புள்ளிகள் உள்ளிட்டோரும் புள்ளிப் பட்டியலில் முதல் பத்து இடங்களில் உள்ளனர்.
Thanks to Dinakaran.
Copyrights © 2025 . All rights reserved. Powered by ♥ Redback
Unless otherwise indicated, all materials on these pages are copyrighted by Redback IT solutions. All rights reserved. No part of these pages, either text or image may be used for any purpose.
